სიახლეები

ფრესკოს საქველმოქმედო ფონდმა ახალი სასწავლო წლის დაწყება განსაკუთრებული საჩუქრებით მიულოცა ორ მრავალშვილიან, სოციალურად დაუცველ ოჯახს, სადაც თითოეულ ოჯახში 8 ბავშვი იზრდება. ბავშვებს საჩუქრად გადაეცათ ზურგჩანთები და სწავლისთვის საჭირო სრული საკანცელარიო ნაკრები, ასევე— საკვები პროდუქტები

ახლა უკვე ფრესკოში ულამაზესი ყვავილების თაიგულების შეძენაც შეგიძლიათ! 

შეარჩიეთ თქვენი საყვარელი თაიგული და გაახარეთ თქვენთვის ძვირფასი ადამიანი.

„ფრესკოს საქველმოქმედო ფონდი ინკლუზიური ბანაკის მხარდამჭერი გახდა .1–14 აგვისტოს შეკვეთილში ინკლუზიური ბანაკი „მე კარგად, შენ?!“ გაიმართა, რომელმაც 40 განსაკუთრებული საჭიროების მქონე ახალგაზრდა გააერთიანა (მათ შორის დაუნის სინდრომის, აუტისტური სპექტრის, ტეტრაპლეგიის, ოლიგოფრენიისა და სხვა საჭიროების მქონე ახალგაზრდები). ბანაკის კვებით უზრუნველყოფის მიზნით, ფრესკოს საქველმოქმედო ფონდმა მათ საჭირო საკვები პროდუქტები გადასცა. 14 დღის განმავლობაში ახალგაზრდები უსაფრთხო და ადაპტირებულ გარემოში, პროფესიონალი თერაპევტებისა და კვალიფიციური პერსონალის მხარდაჭერით, მონაწილეობდნენ ფსიქოლოგიურ, სახელოვნებო, საგანმანათლებლო და ფიზიკურ-განმავითარებელ აქტივობებში.

ფრესკოს საქველმოქმედო ფონდი აგრძელებს იმ ადამიანების მხარდაჭერას, ვისაც ჩვენი თანადგომა ყველაზე მეტად სჭირდება. ამჯერად ვესტუმრეთ სოციალურად დაუცველ მრავალშვილიან ოჯახს და მათ ყოველდღიური საჭიროებისთვის საკვები პროდუქტები გადავეცით, ხოლო პატარებს – ტკბილეული, რათა მათი დღე კიდევ უფრო ბედნიერი და ღიმილიანი გამხდარიყო.

ფრესკოს ორთაჭალის ფილიალში იტალიური კულინარიისადმი მიძღვნილი მასტერკლასი გაიმართა, რომელსაც უძღვებოდა იტალიელი შეფ-მზარეული ანჯელო მანიგრასო. 

ფრესკოს საქველმოქმედო ფონდი 1 ივნისის — ბავშვთა დაცვის საერთაშორისო დღე, „მომავლის გზის“ დღის ცენტრთან ერთად აღნიშნა. ფონდის მხარდაჭერით , ბავშვებისათვის, სადღესასწაულო ღონისძიება მოეწყო, რომელმაც მათ ეს დღე დაუვიწყარ დღესასწაულად უქცია.

ღონისძიების ფარგლებში გაიმართა ბავშვების მიერ შექმნილი ხელნაკეთი აქსესუარებისა და ნამუშევრების გამოფენა, სადაც მათ საკუთარი შემოქმედება წარმოადგინეს.

დღის განმავლობაში პატარების განწყობაზე ზრუნავდნენ საყვარელი მულტფილმის გმირები, რომლებმაც მათ უამრავი სიხარული, ღიმილი და დაუვიწყარი ემოციები აჩუქეს. დღის დასასრულს კი ბავშვებმა გემრიელი პიცებითა და სხვადასხვა კერძებით ისიამოვნეს.

გვიხარია, რომ ფრესკოს საქველმოქმედო ფონდს კიდევ ერთხელ მიეცა შესაძლებლობა, ეს განსაკუთრებული დღე ბავშვებისთვის უფრო ფერადი, მხიარული და დასამახსოვრებელი გაეხადა.

ფრესკოს საქველმოქმედო ფონდი ტრადიციულად ესტუმრა მოხუცთა თავშესაფარს "სიკეთის ლამპარს" გადასცა მათ საჭირო საკვები პროდუქტები და მოინახულა თავშესაფარში მცხოვრები ხანდაზმულები.

სიახლე ფრესკოს საკონდიტროსგან!

გთავაზობთ უგემრიელეს პასკებს, რათა თქვენი სააღდგომო სუფრა კიდევ უფრო განსაკუთრებული გავხადოთ 

ჩვენი პასკები მზადდება მხოლოდ უმაღლესი ხარისხის ინგრედიენტებით, სიყვარულით და სიფრთხილით, რათა თითოეულმა ლუკმამ მოგიტანოთ ნამდვილი სააღდგომო განწყობა

გილოცავთ ბზობას!  პატრიარქის ლოცვა-კურთხევით 2017 წელს დაარსდა ორგანიზაცია „ახალგაზრდული სახლი“, რომელიც ზრუნავს მზრუნველობას მოკლებულ, ზრუნვის სისტემიდან გამოსულ (ბავშვთა სახლებიდან) და ქუჩაში მცხოვრებ ახალგაზრდებზე. ეს არის სივრცე, სადაც ისინი პოულობენ სითბოს, მხარდაჭერასა და განათლების შესაძლებლობას — ადგილს, სადაც ახალი დასაწყისები იბადება იმედითა და ზრუნვით.  სწორედ ამ სივრცეს წინასააღდგომოდ ესტუმრნენ ფრესკოს საქველმოქმედო ფონდის წარმომადგენლები და საჭირო პროდუქტები გადასცეს მათ საჩუქრად. ვიზიტის ფარგლებში, მათ დაათვალიერეს ტერიტორია და გაეცნენ იმ მრავალფეროვან აქტივობებს, რომელსაც „ახალგაზრდული სახლი“ სთავაზობს ბავშვებსა და ახალგაზრდებს. ვიზიტი განსაკუთრებულად თბილი აღმოჩნდა — ახალგაზრდებმა ფონდის წარმომადგენლებს კულინარიული მასტერკლასი ჩაუტარეს და გაუზიარეს მათი ცოდნა გადათარგმნე ინგლისურად

ქალთა საერთაშორისო დღის აღსანიშნავად, ფრესკოს საქველმოქმედო ფონდის წარმომადგენლები უფასო სასადილოს ესტუმრნენ. მათ განსაკუთრებული სითბოთი მიულოცეს დღესასწაული იმ ხანდაზმულ ქალბატონებს, რომლებიც ყოველდღიურად სტუმრობენ სასადილოს და ცენტრს გადასცეს ტკბილეული და სხვადასხვა საკვები პროდუქტი

ფრესკოს საქველმოქმედო ფონდმა დაბადების დღე მიულოცა სოციალურად დაუცველ, შშმ პირის სტატუსის მქონე 11 წლის ტყუპ და-ძმას.
განსაკუთრებული დღის აღსანიშნავად მათ გადაეცათ საჩუქრები, დაბადების დღის ტორტი და სხვადასხვა საკვები პროდუქტი.

ფრესკოს საქველმოქმედო ფონდმა მნიშვნელოვანი მხარდაჭერა გაუწია არასრულწლოვანს, რომელსაც ჯანმრთელობის მდგომარეობის გამო ფინანსური დახმარება ესაჭიროებოდა
ფონდის მხარდაჭერა მნიშვნელოვნად დაეხმარა ოჯახს მკურნალობის პროცესში და კიდევ ერთხელ დაგვანახა, რამდენად მნიშვნელოვანია ერთმანეთის თანადგომა რთულ მომენტებში.
ამასთანავე, ფრესკოს საქველმოქმედო ფონდმა იანვრის თვეში დახმარება გაუწია პროექტს „ერთად დავძლიოთ აუტიზმი“ და გადასცა მათ  საახალწლო ვაუჩერები